Day 1 (ar)

اليوم الاول من شهر رمضان المعظم

خلفيات للتحميل

Hello TUNISIA, ramadan, tunisia, Tunisie, islam

تحميل خلفية للمكتب و للفايسبوك

Download Wallpaper and Facebook cover

[divider]

طبق اليوم

امك حورية

[one_third]

Tunisia's food,Ramadan

[/one_third] [one_third]

Tunisia's food,Ramadan

[/one_third] [one_third_last]

Tunisia's food,Ramadan

[/one_third_last] [one_third] [/one_third] [one_third]


طريقة التحضير:
ينظف الجزر ويوضع في الماء فوق النار لمدة 20 إلى 30 دقيقة
يقشر الثوم ويخلط مع الهريسة والزيت والخل والفلفل والكروية والملح
يهرس الجزر ثم يخلط مع باقي المكونات
تزين الخلطة بالبيض و التونة و حبات الكبار و الزيتون عند التقديم

[/one_third] [one_third_last]


مدة التحضير: 40 دقيقة
المكونات:
500 غ جزر
سنة ثوم
نصف ملعقة هريسة
ملح
زيتون
ملعقتان زيت زيتون
بيض مسلوق للتزيين
خل
فلفل أسود
القليل من التونة
بعض حبات الكبار
كروية

[/one_third_last] [divider]

خرافة اليوم

فرده ولقات اختها

Tunisia's food,Ramadan


يحكيوا على واحد ذكي ياسر عاقل حاذق ظريف صاحب راي وتدبيرداهية ما يقدر عليه حد,اللي حتى حد ما ينجم يعوم في ماه. اللي (نقولوا احنا) يلعب مع الشيطان يربحو في كعبه. لكن اسمو موش على جسمو,اسمو شن (تبارك الله عليه) ما لقاوا والديه يسميوه الا شن. وكان كيف يجبدولو على الزواج

يقول: حتى نلقى اللي تصلح بي. حتى نلقى اللي توافقني.

اشنوه اللي يوافقك؟ ياخي كيفاش تحبها المرا اللي ماش تاخدها؟

يقول انا ما نحبش ناكل العصا. ما نحبش نعدي عمري الكل معذب؟ قال كيف تبدا مرتي موش عاقله كيفي وموش ذكيه كيفي موش برمكيه كيفي ماني نبدا معذب معاها. ماهي فين تتكلم تفسدلي دمي. نحب امرا اللي تكون كيفي…

قالولو: منين تلقى امرا كيفك, هم النساء عندهم الذكاء والا الفطنه والا العقل؟

عندهم الراجل اذكى من المرا (والمرا اذكى من الرجال زاده) هذي موش حبس على الرجال دون النساء, والا على النساء دون الرجال, كل حد اش عطاه ربي, على كل حال انا اشنوه اللي زاربني؟ حتى نلقى المرا اللي توالمني واللي نكونوا ركوب بعضنا ولا تطيح علي لا نطيح عليها.

ظهر لو مره كيف ما كانت طبايع العرب يكون واحد قاعد على نفسو يقوم يدور في البرور, هو راكب على حصانو وخارج (توريست) يدور من عرش لعرش, ومن قبيله لقبيله, ومره في المسارح ومره في الاجبال, في بقعه خلط على فارس ءاخر.

تربح يا فارس؟

قال:البلاد الفلانيه,

قال: حتى انا. وترافقوا في الثنيه

قاللو: ايا تهزني والا نهزك.

قالو:اشنوه؟

قالو:تهزني والا نهزك؟

قالو:اش معناه نهزك والا تهزني واحنا كل واحد راكب على حصانو؟

وقعد يخزرلو من تحت لتحت: زعمه هذا العقيل على قدو؟ ايا اش مدخلني فيه. بره ماشين بره ماشين… خلطوا للزرع طبه ارض مزروعه قمح يغدى فيه الفارس. صلبه مهمه

قال: يل لندرى ها النعيمه هذيه مواليها كلاوها والا مازالوا؟

اشنيه؟

الراجل وقف حصانو وخزرلو: اشنوه كلاوها والا ما زالوا. سبول مازال لا تحصد لا تدرس لا ترحى لا تغربل (لا تعجن لا تكسكس) تقول لي يندرى امواليه كلاوه والا مازالوا؟

سي شن دور راسو وقعد يخزر لجهة اخرى. غانيه موش لاهي بيه بالكل وهاك الراجل ولى قاري الحساب منو. قال:بالك مهبول هذا؟ والمهبول, لا ترافقو, لا يرافقك, اشكون يعرف عليه بالك تو يترمى علي؟ و ولات شعرتو واقفه من جيهتو. ايا باقي سايرين, زادوا مشاوا ساعتين والا ثلاثة, قربوا للعمار يشوفو في واحد يسوق في ناقة وهاك الناقه عليها ميت. هذا كيف اللي نشوفوه ساعات في الثنايا (ثنية الوسلاتيه ,سبيبه ,سبيطله, السبيخه ,مكثر, سليانه) تلقى جمل ومعاه واحد والا زوز من الناس وهاك الجمل هازز ميت مكفن ومربوط معاه عود ورابطينو في الذروه متع الجمل. لوين ماشين بيه هذاكه؟ للقيروان. باش يدفنوه في الجناح الاخضر. مستباركين بيها. عاد هذايه ميت (على ناقه) و واحد يسوق فيه

قال يا لندرى هذايه مات ولا ما زال حي؟

ايا (قال لو) فك علي بلا ميت والا حي. ايا هذايه متاع مرسطان, اشنوه ميت والا حي؟ ياخي اصل العاده الواحد مازال يطلع في الروح يهزوا يدفنوه؟

وولى ساخف على هاك الراجل مسكين اللي في الهبال يحوس. حتى وصلوا. لوين وصلوا للخيمة متع هاك الراجل هذاكه,هبطوا على الخيل متاعهم, خلاه هو ثمه ودخل للخيمة باش يحضرلو بقعة ويفرشهالو ويجيبلو الماء باش يغسل اطرافو, ويذبحلو(باش يعشيه). هاك الراجل عندو بنتو.

اشكون معاك؟

قاللها:ضيف, اما ضيف مسكين لا يفهم لا يتطعم يخبط في خبط عشواء, ما يعرفش اش يقول.

قالتلو: اش قال؟

قاللها: تعدينا على زرع قال: يندرى هذايه امواليه كلاوه والا مازالوا.

قالتلو: هذاكه حب يقول: امواليه زعمه سبقوا فلوسو من قبل وباعوه, وهو مازال قصيل والا تسلفوا (وبعد ما يدرسوا ماش يخلصوا بيه دينهم) والا ماش يخزنوه في محلهم: خالص من كل دين.

قال: عجايب.هذي نيتو اماله؟

قالتلو: هذاكه يتكلم بالالغاز.

قاللها: اماله اش معناه احنا كل واحد منا راكب على حصانو وجاي يقول لي: ايا تهزني والانهزك هذا موش كلام متع مهبله؟

قالتلو: لا, كلام متاع عقال. هذاكه قالك: ايا تحكيلي والا نحكيلك باش نقصروا الثنيه وتخف علينا.

اي والله معقول انا ما فهمتهاش. لكن هاو لهبال وينو؟ ثماشي واحد ميت هاززينو ماش يدفنوه ويقول: هذاكه زعمه مات والا ما زال حي؟ يحي العظام وهي رميم والا اشنوه؟

قالتلو: هذاكه قالك: هذايا لندرى خلاشي ذريه؟ لو كان خلى الذرية يحييولو ذكرو, ويقعد ديمه يتفكروه كاءنو ما زال حي, اما اللي ما يخلي حد, من القبر وفات النازله ما عاد يتفكرو حد. وهذاكه مات ومات ذكرو.

خرج للراجل فمو محلول طاقه اب اب اب اب

قاللو: بنتي فهمت كلامك الكل يا فلان, نقولك الحق ما نخبيش عليك انا من كلامك ظهرلي اللي انت خذيت وعطيت في عقلك. لكن بنتي فهمتني كل شئ.

قال:هاو لقيت المرا اللي تصلح بي.

وخطبو فيها وخذاها وجاوا الاثنين مضروبين على القالب. ومن هوني المثال :وافق شن طبقه (على خاطر هي اسمها طبقة) وافق شن طبقة واحنا نقولوا فرده ولقات اختها
عبد العزيز العروي



[divider]

كل الايام

<< اليوم الموالي

[divider]

Comments

Comments

This post is also available in: الإنجليزية, الفرنسية

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *