Day 2 (fr)

اليوم الثاني من شهر رمضان المعظم


خلفيات للتحميل

تحميل خلفية للمكتب و للفايسبوك


Download Wallpaper and Facebook cover

[divider]

Hello RAMADAN

[one_third]

Hello Tunisia Ramadan 2012

[/one_third] [one_third]

Hello TUNISIA ramadan 2012 quoran islam mosque

[/one_third] [one_third_last]

Hello TUNISIA ramadan 2012 quoran islam mosque

[/one_third_last] [divider]

طبق اليوم

بريك دنوني

[one_third]

Hello Tunisia Ramadan Food brik dannouni

[/one_third] [one_third]

Hello Tunisia Ramadan Food brik dannouni

[/one_third] [one_third_last]

Hello Tunisia Ramadan Food brik dannouni

[/one_third_last] [one_third] [/one_third] [one_third]


الحشو :
دجاج أو لحم مفروم
نصف بصلة
ملعقتان صغيرتان ملح
ملعقة صغيرة فلفل أكحل
ملعقة صغيرة كركب
يترك الخليط فوق النار لبعض الوقت
تضيف بيضه مسلوقة مقطعة ومعدنوس مفروم ونصف حبة بطاطا مهروسة ويجمع الخليط ببيضة
طريقة التحضير:
تبسط العجينة فوق الطاولة وتقسمها إلى دوائر متوسطة الحجم وتضيف الحشو ثمة تغلقها بواسطة شوكة وتقلي في الزيت أو في الفرن

[/one_third] [one_third_last]


المكونات:
250 غ سميد أرطب
80 غ زبدة
ملعقتان صغيرتان ملح
قليل من الماء

[/one_third_last] [divider]

خرافة اليوم

ساعه من ساعاتو تغني

يحكيوا في قديم الزمان, كان واحد خباز الخباز اشنوة راس مالو في هاك الزمان؟

 كاري الكوشة, وعندو مخبزين والا ثلاثة ,وساعه ساعه حمل حطب, ويطيب للناس في خبزهم بالكراء. هاك الخباز كان فقير الحال, ولا دار لا مرا, لا ولاد (يرقد في الكوشه). وعندو صانع: كيفو زاده ما عندو حد, ويتيم تقريب مستبنيه, وحاطين الروس على بعضهم. كل نهار كيف يجيوا يرميوا الخبز, الصانع يستعوذ من الشيطان, على خاطر البلاطه اللي يسدو بيها بيت النار ثقيله عليه.

ويقول: يا عرفي لو كان هذي وزنها محبوب.

يعطيه عرفو بصطاكه على راسو,

ويقول لو: لا طلبت لا كمشه لا ربعيه لا حتى صاع؟ ما تطلب الا وزن البلاطه الكل؟

يقوللو: يا عرفي اللي يطلب على ربي يطلب بالكمال. رحمتو واسعه, ومخازنو ملايا, و ساعه من ساعاتو تغني, اشكون قال لك اللي احنا ماش نقعدوا ديمه في ها الهانه, بالك يجي نهار وتتفرهد الاحوال. يقولوا في التيجانيه: اصبر يا قلبي واتصبر ويزي من التخمام اذا حب الله وقدر تزهى لك الايام

كل نهار فين يعاود هاك الكلام ياكل اصطاكه من عند عرفو. ايا سي الخباز ما تعداتش امورو مليح قدر عليه ربي فلس, سلم في الكوشه وباع المخيبزات, وطرف الحصيره اللي عندو, والحطب اللي تبقى لو

وقال: اذا ما واتاتكش بلاد بدل باختها ,ولو يبدا حجرها زمرد وياقوت. هاك الصانع, يا عرفي كيفاش تمشي علي؟ لا شكون تخليني؟

قاللو: وليدي فيها مدبر حكيم واللي يخلق الخليقه ما يفرط فيها, وعلى كل حال ماك ديمه تقول: ساعه من ساعاتو تغني, لعل يجيبك ربي في ساعه سعيده.

خلالو كيف ما نقولو رويلين باش يدبر راسو, حتى ينوب عليه ربي بخدمه. وشد الثنيه…قعد هاك الولد وحدو.يدور من سوق لسوق, ويفصل في النهوجات ويخيط في الزناقي.وفات لو هاك الصويردات, وقف في باب البلاديستنى ثماشي ما يجي حد يخدمو. النهار الاول, الثاني, الثالث, نهار هو واقف وها الراجل وقف عليه

قال: تخدم يا ولدي؟

قال لو: بين يديك يا بابا.

قال لو: تبعني.

بدا الراجل ماشي وهو في جرتو, شقوا باب سويقه, المدينه, وصلو كيف ما نقولو لبطحة رمضان بي. دخلوا لزنقه. وقف الراجل قدام دار( باب كبير بالقمجه, ظاهره دار اكابر) جبد المفتاح حل. ادخل يا ولدي, الدريبه الاولى, الثانيه, الثالثه (الدريبه تفصل ثلاثه برطمانات من هاك اللي يعملوا فيهم اليوم) وجليز ومرمر وابناك وزرابي مدقوقه في الحيوط. الولد قال بينو وبين نفسو : هذومه الدرايب برك. اماله الدار كيفاش؟ هذي تحب لها عشرين خديم ويا باب الله… ايا وصلوا لوسط الدار: خصه تفيع بالماء, وبيوت متناظرين, وسط دار متاع فروحات ما تصلح الا خبا مرمي عليها وعواده وطاوله منصوبه.

Hello Tunisia Ramadan

قال الراجل: ايجى يا ولدي ,افطر الساعه.

دخلو لبيت, حطلو الفطور, فطر, شبع ,تحمد وتشكر.

قال لو: ايا توه يا ولدي: خرجو لوسط الدار, ثمه بلاطه, قال لو: هزها. هزها. تحتها مطمور. بلاطه اخرى لغادي منها قال لو: هز هذيكه زاده- هزها: المطمور الاولاني مليان, والثاني فارغ-المليان, مليان باللويز للفم كيما يعطينا ويعطيكم من رزق الحلال الطيب. جاب لو شكاره نخاله صبها بحذاه.

وقال لو :اجبد من ثمه, وامسح بالنخاله, وارمي في هاك الفارغ…حتى يتعبى وفطورك وعشاك وفرشك هوني, ونهار اللي تكمل نعطيك اللي يرضيك.

توكل بالله الولد يخدم. النهار الكل وهو قاعد في القاعه وحالل ساقيه, يطلع بالقفه ويصب قدامو (لويز اخضر مخزز) يمسح ويحك. الكعبه اللي تنظاف, وتولي تبرق بريق, يشيعها في المطمور الاخر. والدار مسكره والراجل ساعه ساعه يجي يطل عليه, والفطور والعشاء ثميكه. حتى وفات الخدمه, حاسبو وزاد احسن لو, ومشى على نفسو. بدا يقسط في هاك الفليسات ويدبر في راسو: مره يحمل حميله, ومره يجيبو تاجر يكنسلو الحانوت, ومره واحد يقضيه قضيه.

بره يا زمان, وايجى يا زمان. نهار سمع في الدلال يدلل على دار. قال دار في الحومه الفلانيه.

جا ينشد قالوا لو: هذي دار سي فلان. ما هو مات وما خلى حد: باش تتباع لبيت المال.

ماشين الناس مع الدلال باش يقلبوا ويتفرجوا, من بيت لبيت, تخلف هو في بيت. خرجوا الناس قعد ثمه. باب الدار تسكر, وهو خرج يجري لهاك المطمور, هز البلاطه يلقاه بامانتو. باللويز للفم يخطف الانظار. عبى مكاتبو.الباب مسكر ما ينجمش يخرج, قعد بات, من غدويكه رجع الدلال جايب ناس اخرينه يقلبوا, دخل هو في وسط الناس. قال الدلال باب ربي, بداوا الناس يتزايدوا. تقدم هو يزيد معاهم. طاح عليه السوم. جبد الفلوس ودفع وخذا المفاتح, وخرج مع الدلال, قيد الدلال عند العدول: صبحت الدار ملكو ورزقو وحلالو. مشى للسوق, شرى سبعه والا ثمانيه خزنات ,من هاك الحديد اللي ما يتحلوا الا بالسكريتو, ومسامرهم قد عظمة الدجاجه, عباهم بهاك اللويز وسكر, حل دارو وجاب الخدام.

شرى حانوت في سوق الربع وعمرو بالسلعه. الناس تبيع بمايه, وهو يبيع بخمسين (من عند ربي) تشهر في هاك البلاد, ولى سي فلان الفلاني, خطب طفله من اكبر كبيرها وتزوج ولات دارو مقصوده, وعرمه تجيها الكياله.

نهار جا طالب على باب الدار: يا كريم متاع الله. قاعد في الروشن هو و العروسه يسمع في الصوت, عقلو- عقل صوت عرفو.

قال: عرفي حط بيه الزمان حتى ولى يطلب؟ زعمه هو ؟

خرج يشوف فيه: هو. وعرفو ما عقلوش (خلاه ولد صغير طراح, يلقاه راجل لباس وهمه, وعمه, وفي دار كيف هذيكه وهو بيدو العوينات ولاوا على قدهم, وشاب وهرم :منين ماش يعقلو؟)

اتفضل يا بابا ادخل. حطولو الفطور, فطر, شبع, جا قايم باش يمشي على نفسو

قاللو: اقعد ضيف ربي…

يجبدها ثميكه ثلاثه ايام: الماكله منو, والرقاد عليه. و مولى الدار يفطر فيه ويعشي فيه معاه. نهار ثالث يوم بدا يحكي على الخباز, وعلى صانعو ,وعلى البلاطه اللي وزنها محبوب, وعلى الخباز كيفاش يصطك للصانع.

قال لو: يا سيدي انت منين تعرف ها الكوشه؟ ياخي كنت ترمي عندهم في الخبز؟

قال لو: لا.قال لو على خاطر الخباز اللي تحكي عليه هو انا.حط بي الزمان, وهاني وليت نطلب. وبدا يبكي.

قال لو: والصانع هو انا!

انت؟

انا!

ترمى في رقبتو وبدا يبوس ويبكي.

قال لو: شفتني يا عرفي كيف كنت تعطيني بالصطاكه وتقوللي: ما تطلبش شئ اللي ما تطولوش, وانا نقولك اللي يطلب على ربي يطلب بالكمال ,وساعه من ساعاتو تغني, هاهيكه ساعه من ساعاتو تغني ,ايا اقعد عندي والدار دارك, وانت بابا من البارح موش من اليوم.

وقعد بحذاه هاك الشايب, وعاشوا متهنين, وفي الغايه والنهايه, حتى جاهم هادم اللذات, ومفرق الجماعات, والصلاة والسلام على صاحب المعجزات.
عبد العزيز العروي



[divider]

كل الايام

اليوم السابق >>

<< اليوم الموالي

[divider]

Comments

Comments

This post is also available in: Anglais, Arabe

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *