Day 3

اليوم الثالث من شهر رمضان المعظم


خلفيات للتحميل

Hello TUNISIA Ramadan Facebook cover day 3

تحميل خلفية للمكتب و للفايسبوك


Download Wallpaper and Facebook cover

[divider] [one_third]

Hello Tunisia Ramadan 2012

[/one_third] [one_third]

Hello Tunisia Ramadan 2012

[/one_third] [one_third_last]

Hello TUNISIA ramadan 2012 quoran islam mosque

[/one_third_last] [divider]

طبق اليوم

روز بالفاكية

[one_third]

Hello Tunisia Ramadan Food

[/one_third] [one_third]

Hello Tunisia Ramadan Food

[/one_third] [one_third_last]

Hello Tunisia Ramadan Food

[/one_third_last] [one_third] [/one_third] [one_third]


طريقة التحضير:
يغلى 250 غ من الأرز مع قليل من الملح والزيت
للتزيين: يحمر قليل من اللوز والبندق والكاجو مع قليل من الزيت
يفرم اللحم ويضاف إليه قليل من البصل والملح والكركب والفلفل الالكحل والفلفل الأحمر

[/one_third] [one_third_last]


المكونات:
250 غ أرز
ملح
زيت
فواكه جافة حسب ألإختيار
لحم مفروم

[/one_third_last] [divider]

خرافة اليوم

ويا رضاية الله واحسان الوالدين


ثمه انسان من اولياء الله الصالحين ليله هو راقد ورى في المنام كانو في الجلاز في مقبره والقبور الكل محلولين وكل ميت قاعد على القبر متاعو وكل واحد قدامو فنار يشعل عامل بهره دايره بالقبر. الا واحد منهم قاعد يدو على خدو ولا قدامو لا فنار لا شمعه لا فتيله.
مشالو: السلام عليكم,
وعليكم السلام,
قال لو:تسامحني نسالك سؤال,
قال لو:اتفضل,
قال لو:بالله علاش من دون ها الموتى الكل انت ما عندك حتى ضوء قدامك؟
قال لو: هذمكه عندهم اولادهم واهلهم واقاربهم واحبابهم ديمه يدعيوا لهم ويترحموا عليهم, هذاكه نور الصدقه والترحم متاعهم. اما انا عندي ولد عايق عمرو ما قال:بابا يرحمو,والا خرج علي صدقه, وهذا علاش قبري ظلام وانا حاشم من هاك الموتى الكل هم بخيرهم وخميرهم,وانا نهز في عين ونحط في عين.
قال لو:اشكونو ولدك؟
قال لو:فلان الفلاني يسكن في الحومه الفلانيه.
في الصباح قام هاك الشايب هز نفسو مشى لهاك الحومه ينشد حتى نعتوه لفلان.
قال لو:وليدي راني البارح في النوم نحلم بوالدك الله يرحمو هكه هكه من دون الموتى الكل اللي دايرين بيه علاه وليدي موش بوك هذاكه؟ موش والدين واعوذ بالله من عقوق الوالدين,
قال لو:سامحني يا بابا ما جاش لبالي كنت غافل. ومن هاك النهار هذاكه تبدل هاك الانسان النهار الكل وهو يطلب في الرحمة لبوه وكل ليله يخرج العشاء(عشاء الموتى)وولى فيه ماهو لله ويصدق ويقول على رحمة الوالدين, يتصدق ليلة27وفي ختم ليلة العيد وساعه ساعه يمشي لمؤدب يعطيه بعض الحاجه ويقول لو اقرالي ثم قران ولى ماشي في طاعة بوه كانو حي. نرجعو لهاك الشيخ بعد مده ليله هو راقد ويحلم, يحلم بنفسو كانو في هاك المقبره هذيكه بيدها,كيف ما شافها المره الاولى القبور محلوله وكل ميت قاعد على القبر متاعو ساهر وقدامو فنار اما هاك الراجل الاخر الفنار اللي قدامو اكبر من الفنارات الكل وضاويه هاك الدنيا الكل اللي دايره بيه كانو نهار شافو من بعيد,ما بدا يومي لو بيدو حتى جاه سلم عليه
قال لو:الله يجازيك خير بكلامك لولدي وبنصيحتك ها هو كرجع للطريق المستقيم ونجا من عذاب النار على خاطر هذاكه كان ماشي لجهنم. توه من دنيتو لجنتو, ونجيت انا من هاك الظلام اللي كان داير بي ومن هاك الحشمه اللي كنت حاشم من جميع الجيران (وولدو كتب لو ربي السعاده) والله يرضيهم علينا موتى وحيين.
ويحكيوا على راجل مرض مرضه خطيره وصل للموت وعد وعده. كيف ام الفلافل وقت اللي مرضت ووصلتلها وعدت,قالت:اذا نقوم من ها المرضه السنه نحج انا واياه وكل حد اش يوعد. هذا يقول يجهز بنيه فقيرة,هذا يقول يطهر وليد قليل, والا اثنين, والا عشره, وكل حد اش يظهرلو. هذايه
قال: يا ربي اذا كان نقوم من ها المرضه نعود اللي نحصلو من خدمتي كل نهار جمعه نصدقو على والديا.
يعني يصدق عليهم حق خدمه نهار في الجمعه ايا جاب ربي وجهو للضو تعافى برى قام… هو فقير(خدام حزام)كل يوم على قسم جديد,كل يوم يخرج يخدم وهذيكه عيشتو ولى كل نهار جمعه اللي يخدم بيه ياسر والا شويه يقول هذايه على رحمة الوالدين ويصدقو على الفقراء والمساكين ,قعد مده على هاك المعدل تقول انت ثلاثه اربعه سنين كل نهار جمعه الصويردات اللي يصورهم يصدقهم. صادف نهار مالقلش خدمه. ونهارتها نهار جمعه دار النهوجات دار الاسواق لا من عيطلو لا من قال لو تخدم. النهار الكل وهو يدور,شي, تسكرت. والله لا يسكرها في وجه حبيب. اش ماش يعمل اش ماش يصدق. الله لا يقطعلنا عوايد وما عندو ما يصدق زاده الراجل كل يوم بيومو اللي يصورو كل يوم هذاكه قوتو… قال نمشي نشاور-لا شكون يمشي؟ما ثماش ما خير من الشيخ المفتي, مشى لو.
يا سيدي الشيخ قال لو:راهي النازله فيها وفيها, وراني وصلت.
قال لو:عاد هذي صعبت عليك ماو دور مع العله.
قال لو:كيفاش يا سيدي الشيخ؟
قال لو:توه وقت بطيخ ودلاع. الليله ما بين مغرب وعشاء الناس يخرجوا قشور الدلاع والبطيخ اللي كلاوه في العشاء ويرميوه في الشارع قدام ديارهم… امشي لقط هاك القشور واغسلهم وتلقاش زويله اعطيها تاكل وهذيكه تكون صدقه هاك اللي قدرك ربي باش تصدق على والديك (والصدقه تصح على بنادم وعلى الزايله) وان شاء الله صدقه بالغه.
مشى هز قفه وبدا يدور على الديار من زنقه لزنقه, هذي الدار قدامها قشور دلاع, هذي قدامها قشور بطيخ, هذي ما قدامها شي, وهو يلقط ويرمي, القفه تعبات هبط للواد غسل هاك القشور ومنها لوين ماش يمشي؟ مشى تقول انت لفندق المحابس بهايم وبغال وخيل مربوطين كل زايله حط قدامها نصيب قشور وبدات تاكل. فرغت هاك القفه مشى عاود عباها وهبط للواد غسل مشى لفندق القراوه فرق على الزوايل اللي فيه وقال:الحمد لله قمت بواجبي نحو والدي وان شاء الله صدقه بالغه.في الليل هو راقد ويحلم ببوه وامو يعنقوا فيه ويبوسوا ويقولولوا: عملت فينا الاكرام عملت فينا كل خير وكلتنا حتى من البطيخ والدلاع اللي احنا (اليوم قداش من عام) شاهينو. ورضى عليه ربي وكان من اولياء الله الصالحين ويا رضاية الله واحسان الوالدين.
عبد العزيز العروي



[divider]

كل الايام

اليوم السابق >>

<< اليوم الموالي

[divider]

Comments

Comments

This post is also available in: Anglais, Arabe

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *