Day 4

اليوم الرابع من شهر رمضان المعظم


خلفيات للتحميل

Hello TUNISIA Ramadan Facebook cover day 3

تحميل خلفية للمكتب و للفايسبوك


Download Wallpaper and Facebook cover

[divider] [one_third]

Hello Tunisia Ramadan 2012

مخللات نابل

[/one_third] [one_third]

Hello Tunisia Ramadan 2012

جامع القيروان

[/one_third] [one_third_last]

Hello TUNISIA ramadan 2012 quoran islam mosque

سيدي بوسعيد

[/one_third_last] [divider]

طبق اليوم

فلفل محشي

[one_third]

Hello Tunisia Ramadan Food

[/one_third] [one_third]

Hello Tunisia Ramadan Food

[/one_third] [one_third_last]

Hello Tunisia Ramadan Food

[/one_third_last] [one_third] [/one_third] [one_third]


طريقة التحضير:
طريقة التحضير: يطهى اللحم والبصل في قليل من زيت الزيتون وبعض المياه.
تقطع الخضار الى مكعبات صغيرة وتضاف إلى خليط في حرارة معتدلة.
يضاف المعدونس ويطهى 3 دقائق أخرى.
يدجف الحشو في الفلفل أو البطاطا ثمة يتم قليه
يقدم ساخنا وترافق ذلك مع صلصة الطماطم.

[/one_third] [one_third_last]


المكونات:
: لحم البقر المفروم غ350
2 بصل،
1 فلفل،
2 طماطم،
معدونس،
ملح،
فلفل،
تابل

[/one_third_last] [divider]

خرافة اليوم

(عزّ نفسك تصيبها (الجزء الاول


يحكيو على واحد حطاب مكسبو فرد ولد، كبر طلعو للكتاب و كل صباح يهز فاس و يطلع للغابة، نهار لكل و هو يخدم…يهبط حميّل الحطب للبلاد يبيعو يصرف على عشاه و البقيّة يعطيهم للمدّب.
يقلّو: يا سيدي المدّب، ولدي راني صدّقتو على القرآن و على العلم.
و المدّب مغروم بهذاك الولد و مجتهد فيه اكثر من الولاد الاخرين، و الولد حتّى هو موش مخلّي من روحو. حفظ القلم الاول، القلم الثاني، القلم الثّالث… و ولّى يقرّي مع المدّب. ايّا مات بوه، و مديده كمّلت امُّو. ما عندو ما يعمل في هذكا البلاد و لا عندو فيها لا اهل لا مّالي…مشى باع الدّار و بقّى سيدو المدّب بخير و شدّ اثنيّة السّفر. النّهار الكُل و هو يسير، طاح اللّيل، جى تحت شجرة و رقد. في منامو، وقف عليه راجل كبير لحيتو طويلة هابطة كِسْبايك الفضّه على صدرو و لابسْ الكُلّو في الابيض
قالو: عزّ نفسك تصيبها. اللّيله الثّانية وقف عليه زادا و قالو نفس الكلمة، اللّيلة الثّالثه كيف كيف. ايّا عليه و على بلاد، كرى بيت في فندق، حطْ حْويجاتو، و خرج يدور و يخمّمْ اش باش يخدم. عندو شويّ فلوس الّي باع بها الدّار و يلوّج في خدمة باش يعيش… يتفكّر في الخرايف، الِّي يقول خدم في المرمّه، و الِّي يحمش في النّار في حانوت فطايري و الِّي خدم صانع قهواجي. وقف على امْرمَّهْ و تذكّر هاك الرّاجل الكبير الِّي وقف عليه في المنام الِّي قالو عزّ نفسك تصيبها، زاد على قدّام، ياقف على قهوة يقول نخدم هوني يتذكّر هاك الشّايبْ، زاد القدّام شْويّه، يلقى حانوت فطايري، كيف كيف… قْعدْ ايدور في البلاد و يخمّمْ و يفركسْ.
هاوْ شاف واحد يسوق في بهيم عليه شواري و اربعة قلال بالماء و منها شاف واحد اخر و واحد اخر… وقف على واحد يسألو
قالو: باللّه سامحني بربّي هالبلاد شبيها فيها النّقّالة ياسر؟،
قالّو: ماوْ على خاطر هالبلاد ما فيهاش ماء ، يجيبو الماء من البرّا بالكراء.
قال هذي هي الخدمة الّي تصلح بيّ. لكن باش يخدمها هو موش متيسّر: عزّ نفسك تصيبها. امشى الى سوق الزّوايل شرى بهيم، بردعة، شواري و قلال و روّح بيهم للفندق،
قال للفنادقي باللّه فمّاشي شْكون يحبّ يخدم؟
قالّو: فمّا علاش ما فمّاش… عيّط الواحد يجيوك مائة.
و خرج دقيقة من الزّمان و رجعلو و جابلو واحد قالّو هاو يحب يخدم… تفاهمو ثلثين بثلث… بايْ للرّاجل و بايْ ليه هو و بايْ للبهيم و شواري و القلال. من غدوة زاد شرى بهيم واحد آخر و واحد آخر… ولّات صاميّه ثلاثه رجال يخدمو و هو قاعد و كل عشيّة يجِو يحاسبوه و هو مستحفظ على رزقو… الماكلة ما حظر و اللِّباس ما ستر. زاد لمْ شويّه فلوس زاد بهيم آخر حتّى ولّاو بعد مدّة ثمانيه ولّا عشره زوايل رجال يخدمو عليهم. بعد مدّة تلمّت عندو الفلوس لقى دلّال يدلّل على دار، مشى قلّبها مع ناس… زاد فيها… شراها و سكن فيها و بدى بشويّه بشويّه يقشقش كلّ مرّة يشري حاجه و يربّي في العش. الدّار الّي بجنبو مولاها توفّى…تحطت للبيع… زاد فيها، شراها و دخّلها و ولّات دار و عليها الكلام. نهار مشى للحمّام لبسْ ل لبسه مهمّمه ( كما نقولو جبّة خمري و كشطه مطروزة) و من حينو دخل للمقصورة…لقى جماعة تجّار قاعدين، سلام عليكم و عليكم السّلام، و جاء قعدْ بحذاهم و معاهم امين التّجار… و هو لا يعرفهم، و هوما لا يّعرْفوه. ما هو مخالط حد في هذِكهْ ا لبلاد. جابو كل واحد طيّاب، هو جاب زُوز طيّابه… قعدو باهتين في هذا الشّاب اش يكون. غسل، خرج، تبرّد في المصورة، وقف قدّام الصّندوق، رمى اللّويز للحمّامجي و جاء خارج
قالّو:اسْتنّى استنّى يا سيدي نرجّعلك الباقي متاعك… قالُّو: خلِّي عندك باش تلقاهم. وخرج.
يتبع…
عبد العزيز العروي



[divider]

كل الايام

اليوم السابق >>

<< اليوم الموالي

[divider]

Comments

Comments

This post is also available in: French, Arabic

Leave a Reply

Your email address will not be published. Required fields are marked *